Transcription
1
Monsieur, dernierement je vous envoyès mon laquès mecredy
2
passé pour vous thenir adverty de tout ce que a passé de
3
messieurs de la novelle oppinion, comme javoys fet aussi
4
à monsieur d’Ourche. Ledit laquès fust prins ledit jour
5
entre Marsanne et Grane et an dessirarent les letres
6
sans ung de leur troupe, que ledit laquès dict ne cognoistre
7
ilz estiont desliberer à tuer par despit de moy. Je fus adverty
8
par ung de mes admys de la novelle opinion quil an avoyt
9
unne trahison dans ce lieu de Taulignan et que ne
10
soyt vray, il ly a heu durant troys ou quatre soyrs de
11
quatre à cinq centz arquebuziers ycy au près pour me
12
surprendre ; et ien peu adverer aultre chose de ladicte
13
trahison que ce que je vous envoye par les informations
14
et procedures que vous plairra y pourvoyr, tant de
15
ceux ycy, que des aultres que par cy devant vous ay
16
envoyé pour garder tous ceux qui sy vouldriont entre
17
prendre ; et aussy, monsieur, il vous pleu dernierement
18
par ung appoinctement que fistes aux consulz de ce lieu
19
me rezequer le nombre des souldatz que maviés ordonné,
20
questoyent en nonbre de trente et me les adviés remys
21
à dix tant que la tresve durerèt, tellement que
22
moy et et [sic] mes dictz souldatz demeurons toute la
23
nuict sur les muralhes pour ce peu de gens que nous
24
sommes, en semble ceux du cappitaine Alleret que sont
25
en nonbre de sèze, dont je vous suplye très humblement
26
monsieur, me permetre prendre ledit nonbre des souldatz
27
que sont pourtés par ma commission quest au nonbre de
28
trente ; et sil vous plesoyt nous donner quelques
29
aydes pour le soulagement de ce lieu comme Baulmes
30
de Transy, Varlaurys et St Restitut et pour le povre
31
Pègue, me donner Montbrison sil vous plet, vous
32
adsurant que le povre lieu est bien chargé
33
[303 v°] dudit Pègue. Il vous pleut aussy ordonner par vostre
34
appoinctement soixante livres et vingt charges de boys.
35
Je croys que nentendés que les utansilles de mon lougis
36
y soyent comprins, ny chandelles que à ses consulz ne
37
men balhent tous les moys que quatre livres, tant
38
pour ma chambre que pour mes rondes. Je vous suplye
39
très humblement men fère unne declaration et si cest
40
pour vostre service, je vouldroys despendre mille
41
escus et expauser ma vye et tout ce que jay en ce
42
monde, comme celluy que vous est affectioné et
43
hobeyssant serviteur. Je vous change de propos que
44
despuys et durant ceste dernière tresve, ilz mont
45
apourté tous mes bledz à Nyons et prins tout ce
46
que javoys à Rouzans, qui me vouldroyt mieux avoyr
47
perdu mille escus. Et actandant vostre comandement,
48
je finerey ma letre par mes très humbles et affectionées
49
recommandations à vostre bonne grasse, priant Dieu,
50
monsieur, qui vous thienne en sa saincte et digne
51
garde. De Taulignan, ce XXIIe febvrier 1574.
52
Je ne say monsieur, si estes adverty
53
que ces jours passés que Tulete a
54
trahison menée par des souldatz
55
dudit lieu, gens de maison que
56
navoient jamès estés huguenaux,
57
nommés ung Bayard et laultre
58
Jehan Bonneau.
59
Vostre pour jamays très humble
60
et affectioné serviteur à vous fère
61
très humble service
62
Le pegue.